हमरा भारत देस को एक भाग हमरु उत्तराखण्ड च, अर 1 अगस्त 2000 कू लोकसभा मा उत्तरांचल राज्य को पुनर्गठित विधयक का अनुसार मौजुदा 13 जिलों तैं मिलि के ( देहरादून, हरिद्वार, पौड़ी, उत्तरकाशी, टिहरी, रुद्रप्रयाग, चमोली, चंपावत बागेश्‍वर, पिथौरागढ़, अल्मोड़ा, नैनीताल, उधमसिहं नगर ) उत्तर परदेस बटि हटै के अगल करण की मंजूरी मिली गै छै। किलैकि पैलि उत्तराखण्ड उत्तर परदेस को एक भाग छौ, मगर 9 नवम्बर 2000 मा उत्तरांचल अपणा अस्तित्व मा ऐ। अर 29 दिसम्बर 2006 मा येको नौ उत्तरांचल बटि बदळि के उत्तराखण्ड करै गै। उत्तराखण्ड की उत्तर दिसा की सीमा पर नेपाल अर तिब्बत छिन अर दक्छिन मा उत्तर परदेस अर पच्छिम मा हिमाचल परदेस का इलाका की सीमावों से घिर्युं च। अर जन कि भारत की 2011 की गणना से पता चलदु त उत्तराखंड मा लगभग 10,116,752 लोग छिन जौं मदि 5,154,178 बैख अर 4,962,574 जनानियां छै अर जौंमा बटि 69.45% लोग गौं का इलाकों मा ही रौन्दिन।